السلام عليكم ورحمة الله وبركاته
اخليكم مع الأبيـااات وان شاللهـ تعجبكم ..
وحشتني شوفه أصحابي و ربعي و الغلا مستور
أخبي عبرتي لامن ذكرت بيوم جمعتنا
تغير قولتي ( ابله ) و صرنا نقول ي ادكتور
نقول القاعة ي ادنيا زمان نقول حصتنا
جلست بداخل القاعة ذكرت أيامنا بالدور
و ضحكٍِِ كان يحوينا و لا تكفي شطانتنا
نزل بعضنا احيان ولكن ما نعرف نجور
و نرجع من بعد زعلة ترجعنا صداقتنا
نحاتي بعضنا دايم و يعجبنا رجل مشهور
وأفكر كيف هالدنيا خذت وناستنا
انا من بين ناس اغراب وسط قاعة مع دكتور
احاول اخنق العبره وانا اذكر كل حكايتنا
سمعت اغنيةٍِِ جابت من اقصاي بقايا شعور
يغنيها علي محمد وهي عيال حارتنا
رجا فيها الا دنيا الا ليت الزمان يدور
و يرجع وقتنا الأول و ننعم في بساطتنا
وانا رديت في بيتين من الخافق المكسور
نضحي بالعمر كله لجل ساعة بشلتنا
وابيع الناس والعالم و مستقبل وراه قبور
وكلن راح يمشي له طريق يقول عيشتنا
وانا مابي سوى لحظة وعلى الفرقا انا مجبور
نظيف اليوم من يقدر يبدل وضع ضيقتنا
ظلامٍِ دامس موحش انادي في الخفا يا نور
ابي ربعن ليا طحت عرفت شلون قيمتها
ببساطه في فرح دايم غلا صادق وله سدور
نخطط كيف بالكذبة نضيعها دراستنا
تخرجنا نعم ادري وكلن داخله مقهور
فرح اكن مع الفرحه دموع تضم حفلتنا
بكينا و البكى فينا ولا لحظه ابد مهجور
دموعن حرفها صادق و تعرف كيف وحشتنا
تعرفنا على ناسن جديده والغلا المستور
ولا احدن يوصل لحين وصل شلتنا
عجبتني وقلت انقلها لكم ..
.. منقول ..
الثلاثاء سبتمبر 23, 2008 1:02 am
